محمد رجب الشامى
مشرف عام
97
13/04/2009
 | موضوع: صـــباح الــخــير يــا شــباب أنــــا ( حــــمادة ) ؟؟؟؟؟؟  الأربعاء أبريل 15, 2009 12:35 am | |
| صباح الخير
احب اعرفكم بنفسي
انا الواد حمادة بس ده مش اسمى
الحقيقى ده اسمى الحركى قولت على رأى تيته الى
( ميطلعش الى جواه يطق يموت )
علشان كده قولت لازم افضفض معاكم شويه
واخف من الجبل الى على اكتافى احسن
خلاااااااااااااااااص ما بقتش عارف ارضع ولا انام
ولا اى حاجه خالص دى حاجه تقرف.
تحبوا ابتدى معاكوا من امتى ؟ من وانا فى بطن ماما ؟؟؟؟ولابعد ما اتولدت بكام يوم كده ... الى
انتوا بتسموه السبوع... كان يوم مهبب واغبر بعيد
عنكوا يوم ما اخترعوه
اكيد كلكم عارفين الى بيحصل فيه بس
لما تشفوه من وجهه نظرى اكيد حتغيروا رأيكم
كانت طقوس الاستعداد بعد ما اتولدت بيومين
ساعتها سمعت ماما وهى بتكلم بابا وقالت
له حاجات كتير
المهم انها اديتله ورقه طويله مكتوب فيها
حاجات طبعا علشان انا صغير ما عرفتش
اقرا الورقه بس الظاهر كان فيها اخبار
او حاجات وحشه عشان بابا لما قراها
بص لماما قوى وقال لها كل ده؟؟؟؟
راحت بصيتله وكلمته من تحت الضرس:
طبعا انت عايز الناس تاكل وشي؟؟
بصراحه ساعتها اترعبت ..معقول .. ليه ؟
معقول حياكلوا وش ماما حبيبتى
طيب مين حيرضعنى بعدها ؟ وازاى حقدر ابصلها ؟
هو انا بستظرفها بوشها لما اشوفها من غير وش؟؟؟؟
يا قاسي يا وحش يا بابا طب والله لو خليت
الناس دول يعملوا
كده شوف حعمل فيك ايه لما اكبر
حوريك النجوم فى عز الصبح
ومن ساعتها وانا بحلم احلام مزعجه مع انى
بخفف الاكل قبل النوم ....
عامل حساب اليوم دهو فضلت احسب 5 ايام
لحد ما لقيت فجأه البيت اتملى على اخره
ده ولا اتوبيس العباسيه يا جدعان وشوية
والدوشه اشتغلت ناس تهلل وناس تبارك
وعيال تعيط
وناس تضحك وانا قاعد وسطيهم مش عارف حد
غير عمتو
وخالتو وستو بس ماما كانت نايمه على السرير
وبابا لسه
ماجاش يا ترى ايه الى اخره كده؟؟
الناس دول دايما كسفينى كده هو مش عارف
ان الناس جايه تبارك ؟
مش كان يقعد معايا يعرفنى عليهم حتى اخواتى
مش لاقى حد منهم مش المفروض يرحبوا بالناس
طب ماما
وتعبانه ؟ واخواتى اللى انا معرفهمش
نازلين اكل......
وشويه ولقيت ستو بتنادى وتقول :
ياله يا جماعه علشان تاكلوا
انا سمعت كده وقلت يا حبيبتى يا ماما ودونى
عند ماما
ازاى يا ستو تقوليلهم كده هى دى مش بنتك برضه ؟
وكمان دول حيقزقزوها ومش حيكفيهم وشها
وممكن يبلعونى
معاها وصرخت باعلى صوتى واء وااء
راحت خالتو وخدانى وموديانى عند ماما و
حطيتنى جنبها
على السرير وقالت لها انا رايحه اكل مع ماما
شوية وستوا قالت لماما ؟؟؟؟؟
ما تقومى يا اختى تشوفى جوزك اتاخر كده ليه
هو مش عارف ان فى ضيوف واخيراااااوصل
سبع البرمبة
وكان معاه حاجات كتير مااعرفش اساميها
وما دوقتش حاجه منها طبعا ولاد عيليتنا
وولاد شارعنا اكلوها كلها
وبدأ الاحتفال ....
جت ستو وحطيتنى فى طبق كبير مخرم وقعدت تهز
فيه جامد وحسيت وقتها كأن فيه زلازال قلت يا واد
طنش خاااااااااااااالص
وخليك معاهم يا واد للاخر ومن غير
اعتراض اخذونى ولفوا بيه حوالين الترابيزه ....
والله( عالم مجانين يعملوا فى عيل صغير كدة)
وكل ده وانا مطنش ومستحمل حكسفهم قصاد الناس يعنى؟؟
وشويه ولقيت ستو بتدق حاجه فى الهون .....
بالذمه ده وقته؟؟
الناس فرحانين واكلوا وشبعوا ودى لسه بتطبخ ؟
وفى وسط الصالون؟
كان نفسي اقولها بس لفت نظرى ان الهون فاضى
وبعدين بقى؟؟؟؟؟؟ مالها الست دى؟؟؟؟؟
عامله كده ليه؟؟؟؟؟؟
وشويه ولقيتها قربت منى قوى ... قلت جايز
حتاخد رايي فى الطبيخ الى بتعمله
اهو اخدها على قد عقلها واهى ست كبيره برضه
شويه ولاقيتها بتدق الهون جنب ودانى وما سمعتش
بتقول ايه وشويه وخبطت بالهون تانى وقالت كلام
المره دى سمعته
اسمع كلام امك وما تسمعش كلام ابوك
وفضلت تكررها قولت بس
وقعنا فى مشاكل امن دوله وسياسه عليا .. يعنى يوم ما تحرضنى على حاجه زى دى مش (تقولى بينى وبينها)
لا دة فضحت الدنيا ؟؟؟؟؟
والغريب بقى ان بابا كان فرحان قوى
من الكلام الى ستو بتقوله
حاجه من الاتنين:
يا اما انا ماسمعتش كويس او بابا خايف منها
بس ازاى ما فهمتش دى الكلمه خرمت ودانى لكن ستو ليه متحيزه دايما لماما على حساب بابا .......
اكيد لما حكبر حاعرف ......
لية بابا كان خايف من ستو
اية بقا رايكم فى حماااااااادة
(منقول من كتاب زغلول فى بلاد المغول)
انتهاااااااااااااااااااااااااااااااااا | |
|
