سلامو عليكم انــــا (مـعـاطـى عـبد العال محروس

مشرف عام 97 13/04/2009

معاطى عبد العال محروس

انا معاطى كنت قاعد فى يوم فى الغرفه كل ما اسمع اى صوت اموت فى جلدىواترعب من الخوف

عارفين من ايه مش من فيلم رعب ولا انى سهرت ولا اى حاجه ولا اتخانقت مع المدام

انا كنت بقرا قصه لكاتب كبير عن اكلى لحوم البشر

معقول فيه حد ممكن ياكل بشر يا نهار اسود المهم

كان بيقول الكاتب ان القصه بدات ان واحد بيقول صاحبه ما تيجى ناكل قاله ناكل ايه قاله (مكرونه بالصلصه) قاله لا ناكل( ارز) قاله (مكرونه بالصلصه) قاله لا( ارز )( مكرونه بالصلصه) لا ( ارز)

المهم مسكه فى بعض وراح جاى صاحبه ماسكه وضاربه بالسكينه وقطعه حتت واكله

وفى نفس اللحظه اللى انا بقرا فيها الكلام ده دخلت مراتى عليا وبتقولى تاكل يا حيببى قلتلها ماشى
اكل( فول و طعميه) قالتلى لا( بيض بالبسطرمه)( فول وطعميه) لا( بيض
بالبسطرمه ) قلت ماشى اكل بيض بالبسطرمه اصل العمر واحدو مش بعزقه

كنت طالع فى يوم الصبح ونازل من البيت وخايف من قصة
امبارح لقيت جارى طالع من بيته بصلى بصه معجبتنيش بصتله بصه معجبتنيش برده
وسنانه غريبه ولسانه مدلدل

قلت هو اكيد شايفنى رغيف عيش دلوقتى المهم انا قلت انا لسه متاثر بقصة امبارح

دخلت المطعم لقيت الناس عماله بتاكل ناديت الجارسون وقلتله هما الناس دول بياكلوا ايه قاللى بياكلوا (شيش طاووك ) قلتله لا ( شيش ابوك) يا نهار اسود لسه قصة امبارح ماثره عليا

يعنى ممكن عادى كده اشم رائحه مشويه من عند الجيران اسال جارى انتوا بتشوا ايه النهارده
يرد عليا وابتسامه غريبه فى وجهه ويقولى بشوى على ابن خالتى

يا نهار اسود ممكن الناس تاكل بعضها زى الكاتب ده ما بيقول الحمد لله انى عايش فى زمن محدش فيه بياكل حد

كنت واقف مع واحد صاحبى لقيته عمال يتكلم ويقولى يرديك كده محمد ياكلنى
انا خفت وقلتله هو عمل كده فعلا كلك فعلا

قالى اه كلنى فى الفلوس وكلنى فى الكلام

قلت الحمد لله انا كنت فاكر حاجه تانيه بس انا فى زمن الناس بتاكل برده بس بطريقه تانيه

اكيد الناس كانت عايشه مع اكلى لحوم البشر كل اب خايف من ابنه والابن خايف من ابوه

والناس خايفه من بعضها ودى عيشه دى يلا الحمد لله

اتصلت بيا صاحبتى فى يوم وقالتلى تعالى نروح السينما ونسمع فيلم رعب بس تجلس جنبى عشان
انا بخاف من افلام الرعب وصاحبتى دى رقيقه جدا وحساسه جدا مش عارف ايه
حبها فى الافلام الرعب دى والراجل مننا لازم يكون جنب الست فى المواقف
اللى زى دى قلتلها ماشى وقلت فى سرى ( ربنا يستر)

رحنا السينما وبدا الفيلم والدنيا ضلمه الفيلم بيتكلم عن بلاد( النمنام) اللى فيها اكلى لحوم البشر قلت يا نهار اسود هما اكلى لحوم البش دول ورايا ورايا

وظهرت البطله جميله جدا طول وعرض وحلاوه وبياض ولقيت اكلى لحوم البشر دول عايزين ياكلوها وبحلوا بيها بعد ما كلوا ثلاث رجاله قلت حرام القمر دى تتاكل

بداوا يمسكوها عشان ياكلوها لقيت صاحبتى بتقولى احسن خليهم ياكلوها وهى مضايقه اوى

قلت فى بالى اه اصلها احلى منك هما البنات كده

المهم ظهر البطل طول وعرض وعضلات حاجه تعقد قلت فى بالى يلا خش خليهم ياكلوك

لقيت خطيبتى اللى كانت فرحانه ان البطله حتتاكل الحق حياكلوا البطل لا ليه حرام

قلت يا نهار اسود انتى مش كنتى عايزاهم ياكلوت البنت يلا مش مشكله

وطلعنا من السينما وهى ايديها فى ايدى وبقولها مش معقوله الحاجات دى تحصل هو فى بشر بياكل بشر قالتلى لا بيحصل انت مسمعتش عن الست اللى كلت ذراع جوزها

الجمله خرمت ودانى كلت ذراع جوزها دا انا ايدى فى ايدها ولقيتها ماسكه ايدى اوى يا نهار اسود هى حتاكله ولا ايه

وفى بلاد اكلى لحوم البشر راجل وابنه وجدوا واحده حلوه اوى ابنه بيقوله احنا حناكل دى النهارده قاله لا احنا حنروح دى البيت وناكل امك .

جااااااااااى